Бүгін Алматыда жас дизайнерлер экологиялық таза материалдардан жасалған жаңа киім коллекциясын таныстырды. Коллекцияның басты идеясы — табиғатты қорғау және сән арқылы экосана қалыптастыру.
Дизайнерлердің айтуынша, киімдер қайта өңделген маталар мен табиғи бояулардан жасалған. Бұл бағыт қазір әлемдік сән индустриясында да кеңінен таралып келеді.
«Біздің мақсатымыз — экостильді жастар арасында трендке айналдыру. Сұлулық пен жауапкершілікті үйлестіру маңызды», — дейді жобаның авторлары.
Көрме апта бойы «ArtPoint» галереясында жалғасады.
Көрмеге қатысқан дизайнерлердің арасында жас мамандармен қатар, тәжірибелі суретшілер мен сән мектептерінің студенттері де бар. Әрқайсысы өз туындылары арқылы экологиялық тақырыпқа жеке көзқарасын білдірді.
Жас дизайнер Акбота да өзінің графикалық инсталляциясын ұсынды. Ол табиғаттан шабыт алған түстер палитрасын заманауи минимализммен ұштастырған.
«Бүгінгі дизайн тек әдемілік емес, ол — хабар. Біз визуал арқылы адамдардың ойына әсер ете аламыз. Әр түстің, әр пішіннің артында мағына бар», — дейді Акбота.
Көрме қонақтары жұмыстардың ерекше үйлесімін жоғары бағалап, әлеуметтік желілерде суреттермен бөлісуде.
