"Мошенники" сериалы нені ескертеді?
«Мошенники» — қазақстандық қылмыстық драма жанрындағы телесериал. Режиссері – Айдын Сатаев. Сериал 2025 жылы түсіріліп, сол жылдың сәуір айында Қазақстанның ірі онлайн-платформаларында көрсетіле бастады. Бұл — заманауи цифрлық алаяқтық тақырыбын шынайы және әлеуметтік маңызда ашып көрсеткен алғашқы отандық жобалардың бірі.
Сериал қылмыстық топтың өмірін баяндайды. Топтың жетекшісі Дастан – жоғары білімді, адам психологиясын жетік меңгерген, кез келген адаммен ортақ тіл таба алатын тұлға. Оның серіктестері Асан мен Арман – “торпедалар”. Олардың міндеті – борышкерлерден ақша өндіріп алу. Тағы бір «әріптесі» алаяқтық операциялар үшін өз атына банк карталарын ашатын адамдарды іздеумен айналысады.
Топтың IT-маманы Ильяс – нағыз хакер, ол кез келген телефон нөмірін қолдан жасап, жәбірленушілерге банк қызметкері ретінде хабарласа алады. Ал Макпал – диспетчер, ол адамдарды шатастырып, таныс дауыс ырғағымен былай дейді:
Сериал барысында ең кең тараған алаяқтық схемалар көрсетіледі. Жобаның басты мақсаты – көрерменді ақпараттандыру, азаматтарды қаржылық қауіпсіздік ережелерін сақтауға шақыру және қылмыстың психологиялық табиғатын ашу.
"Бизнесмены" - тоқырау жылдардағы кәсіпкерлік
«Бизнесмены» — қазақстандық қылмыстық драма жанрындағы толықметражды көркем фильм. Режиссері – Ақан Сатаев. Фильм 2018 жылы көрерменге жол тартты. Туынды 90-шы жылдардағы Қазақстан нарығында болған өзгерістер мен кәсіпкерліктің қалыптасуын көрсетеді.
Кинотуынды үлкен табысқа жетуді армандайтын үш достың өмірін баяндайды. Олар тәуекелге барып, өз кәсібін ашуға тырысады, алайда бұл жолда қылмыс әлемі, сатқындық пен қатыгездіктер кездеседі. Фильм көрерменді 90-шы жылдардың ностальгиялық атмосферасына тартады. «Бизнесмены» — тек ақша мен билік туралы емес, достық, сенім және адамгершілік туралы хикая.
"Ауру" фильмі қоғамдағы қандай мәселені көтереді?
«Ауру» — бүгінгі қоғамның ішкі дертін ашық көрсететін, психологиялық-әлеуметтік мәні терең қазақстандық көркем фильм. Туынды көрерменді жеке адамның тағдыры арқылы тұтас бір ұрпақтың күйзелісіне үңілдіреді. Фильм қазіргі заман адамының шаршаған санасын, тоқтаусыз салыстырулар мен әлеуметтік қысымның адам психологиясына түсіретін салмағын бейнелейді.
Кинондағы кейіпкерлер тек өмірлік қиындықпен күресіп жатқан жандар емес, олар — біздің айналамыздағы адамдар, тіпті өзіміздің көлеңкелі бейнеміз. Материалдық тұрақтылыққа ұмтылу, несиеге байланған өмір, сыртқы образды түзетуге тырысқанымен, ішкі күйзелісті жасыру — режиссер дәл осы қайшылықтарды дәл әрі шынайы жеткізеді. Фильм «мәжбүрлі ымыра» мен «өз құндылықтарынан бас тарту» арасындағы шекараның қаншалықты жылдам жойылатынын көрсетеді. Ең бастысы — мұны мораль оқу арқылы емес, көрерменнің өзіне ой тастау арқылы жасайды.
«Ауру» — тек жеке оқиға емес, қоғамның айнасы. Мұндай ауыр, бірақ шындыққа толы тақырыптарды ашық көтеру – қазіргі отандық кинематографияның кемелдене бастағанын білдіреді. Фильм адамның ең терең қорқыныштарын қозғайды: ар-ұяттан айырылу, жақындарын жоғалту, өзін жоғалту. Сонымен бірге, ол осы қорқыныштарды жеңудің жолы адамның өз шынайылығына қайтып оралуында екенін еске салады.
